1. Bashkëpunues
Kur punësoni njerëz, një nga gjërat që duhet të keni kujdes fillimisht është niveli i bashkëpunimit dhe vullneti për t’u bërë pjesë e një ekipi. Ju mund ta bëni këtë ose duke kontrolluar historikun e personit me anë të pyetjeve lidhur me këtë aspekt, ose duke caktuar detyra që mund të shfaqin aspektin bashkëpunues të punonjësit. P.sh., kur i kërkoni, krejt arsyeshëm, një punonjësi të ri të bëjë diçka, a ju kthen përgjigje me “jo” ose “unë nuk mundem ose nuk do ta bëj këtë”?

Nëse një punonjës debaton shpesh me ju, ose vazhdimisht përpiqet të gjejë arsye pse diçka nuk mund ose nuk do të bëhet, kjo është një shënjë jo e mirë. Si punëdhënës është më mirë të rrethoheni me njerëz që kanë një qëndrim pozitiv dhe dëshirojnë të provojnë mundësitë para se t’ju japin një përgjigje negative. Kjo nuk do të thotë që punonjësit duhet të dinë të bëjnë gjithçka. Nëse ata nuk dinë të bëjnë diçka në vend që të thonë “po” dhe ta bëjnë atë gabim ata duhet të thonë, “unë nuk di si ta bëj këtë, por do të isha i lumtur për të mësuar nëse mund të më tregoni se si” – kjo do të ishte përgjigja e dikujt të besueshëm.

2. Mos e merrni rezumenë thjesht ashtu siç duket, shkoni pak më tej saj
Rezume-ja e dikujt është kontakti i parë i një punonjësi të ardhshëm. Punëdhënësit e bizneseve kanë mendime të përziera për CV-të. Ne rekomandojmë që të mos punësoni bazuar vetëm në CV pasi kjo nuk funksionon gjithmonë. Ndërkohë që intervistoni, është e rëndësishme të merret parasysh: A do të përshtatet ky individ me kulturën e kompanisë? Imagjinoni, a mund të punoni përkrah tij apo saj? Cili është pozicioni i tij/saj që mund të marrë në grupin e punës?

Punësimi i njerëzve është një aftësi dhe jo thjeshtë një vendim për të mbushur boshllëkun brenda biznesit. Të punësosh dikë vetëm sepse duken mirë në letër mund të jetë një gabim i madh. Pra, përqendrohuni edhe tek personaliteti i personit që është ulur përballë jush.

3. Bazohuni gjithashtu edhe në aftësitë plotësuese
Në rast se keni një numër të vogël punonjësish dhe e dini që biznesi ka nevojë për një numër më të madh, por nuk mund ta përballoni atë, është më mirë të kërkoni njerëz me aftësi plotësuese. Ideja është të punësoni njerëz me pika të ndryshme dhe të forta, në mënyrë që ata të plotësojnë dobësitë e njëri-tjetrit, veçanërisht kur jeni në fillim të biznesit tuaj. Përveç kësaj, njerëzit me aftësi plotësuese mund të zhvillojnë gjithashtu cilësi lidershipi në të ardhmen.