Marka Juaj Nuk Është Vetëm një Logo. 10 Shtylla në një Markë të Suksesshme

north

Marka Juaj Nuk Është Vetëm një Logo. 10 Shtylla në një Markë të Suksesshme

Kristian Zara

Krijues Artikujsh tek Elite Coaching | Qesh. 2022

Tregohu i zgjuar, origjinal, njerëzor – përcill markën, përcill mesazhin!

Kur takoj sipërmarrës biznesi dhe flas me ta, shumica ndalojnë gjatë tek logo-ja e biznesit. Për mua, ky është një problem për të cilin këta njerëz kanë shumë pak dijeni.

Përqendrimi i fortë tek aspekti i logos së markës sjell si pasojë që kuptueshmëria e praktikave të markës të dobësohet, të qaset vetëm në një anë ose të përcillet gabim jashtë biznesit. Të kuptoni se çfarë roli luan ndërtimi i markës brenda dhe për biznesin, duke e zhvilluar atë nëpërmjet përbërjes që sjell suksesin e markës, do të mund të nxisë impakt të madh dhe gjithashtu sukses për biznesin tuaj.

Më poshtë po sjellim një përzierje, të eksperiencave personale me eksperiencat e trajnerëve të biznesit, rreth 10 shtyllave që do t’ju ndihmojnë në ndërtimin e markës dhe strategjive drejt suksesit.

1. Qëllimi

Një markë duhet të ketë një qëllim dhe një arsye domethënëse pse ekziston. Për të kuptuar se cili është qëllimi i markës suaj, duhet të shikoni se kujt po i shërbeni dhe çfarë ofroni për të. Pavarësisht se çfarë shërbimi apo produkti ju ofroni, e rëndësishme është të përmbushni kënaqësinë tek audienca juaj, gjë që ngjall emocione gjithashtu. Kini parasysh se të gjithë ne, edhe ju vetë, kërkojmë gjëra dhe zgjidhje për të bërë jetën tonë më të lehtë dhe kuptimplotë. Pra, gjeni ose ndërtoni një qëllim të markës suaj që mund të ndikojë në jetën e klientëve dhe mos humbisni shumë në fokusimin vetëm mbi aspektin e fitimit.

2. Vizioni

Vizioni është e ardhmja e biznesit tuaj, ku dhe si planifikoni të jetë biznesi dhe projektimi në përgjiithësi i markës suaj brenda klimës së ardhshme të tregut.
Përgjigjuni këtyre pyetjeve dhe kthejini ato në hapa që do t’ju ndihmojnë të zhvilloni vizionin e markës suaj:

1. Ku dëshironi të jeni pas 10 vitesh?
2. Si duket marka në të ardhmen?
3. Sa i madh është plani juaj i zgjerimit?
4. A do të zgjeroni edhe ju ofertat e produkteve t’uaja?
5. Si e shikoni ju suksesin e biznesit tuaj?

Përgjigjet që do nxirrni nga këto pyetje janë jetike në ndërtimin e markës. Vizioni duhet të jetë në lartësinë e duhur për të ndikuar dhe frymëzuar, por jo aq i madh në mënyrë që njerëzit brenda biznesit të mund të realizojnë qëllimet dhe praktikat e markës.
Për shembull, vizioni i Microsoft ishte të vendoste “Një kompjuter në çdo shtëpi”. Ky vizion ishte mjaft i madh për të frymëzuar një lëvizje dhe i pranueshëm nga ekipi drejtues që t’a realizonte atë.

3. Misioni

Marka juaj duhet të ketë një mision të qartë dhe një karakter objektiv. Misioni përfshin qëllimin ashtu edhe vizionin e biznesit tuaj. Misioni i markës suaj duhet të përfshijë një deklaratë të qartë të qëllimeve të biznesit (ndoshta këtu një slogan i biznesit).
Markat që janë në mision të përkushtuar në përputhje me qëllimin dhe vizionin e kompanisë ndërtojnë kulturë solide pune. Kjo gjë sjell si rezultat një gjendje më të gëzueshme në mjedisin e punës dhe kuptim në të përditshmen e punonjësve. Nuk ka më mirë për një biznes se punonjës pozitiv – suksesi do të jetë i sigurt!

4. Vlerat

Marka duhet të ketë vlerat e saj, përndryshe rrezikohet të mos respektohet midis të tjerëve në treg. Mbi vlerat dhe rregullat e markës mbështeten mënyrat se si bëni biznes. Këto vlera janë kolonat e misionit që keni vendosur për të arritur në të ardhmen. Shikoni mirë se si këto vijnë njëra pas tjetrës dhe përcaktoni qartë se si vlerat janë gjithashtu përcaktuese për sjelljet dhe veprimtaritë e biznesit tuaj.

Në aspektin personal, njerëzit do t’i njohin vlerat tuaja nëpërmjet veprimeve dhe sjelljeve dhe jo nëpërmjet fjalëve që ju thoni. E njëjta gjë vlen edhe për markën. Sot, një nga praktikat e zakonshme është të rreshtohen vlerat në faqen e uebit të një biznesi, por pa veprime që të shkojnë njësh me fjalët nuk janë as marketing.

Gjeni dhe përcaktoni vlerat thelbësore të markës suaj dhe bëjini ato praktikisht të dukshme nëpërmjet praktikave të biznesit. Ne ju rekomandojmë të kontaktoni një trajner biznesi si Elite Coaching për t’ju ndihmuar në këto hapa dhe për të ndërtuar markën tuaj.

5. Pozicioni

Kuptimi i pikave të forta dhe të dobëta të audiences suaj ju lejon të zbuloni mundësitë që lidhen drejtpërdrejtë me konkurrencën dhe pozicionin tuaj në treg. Duke kuptuar këto pika ju mund të qartësoni gjithashtu edhe kërkesat e tyre. Në njërën anë, Kjo gjë ju sjell si rezultat pozicionimin e markës suaj në treg, konkurrimin dhe dallimin midis të tjerëve. Në anën tjetër, kur të kuptoni edhe se cilat janë problemet e tyre, atëherë mund të thoni se është përmbushur analiza dhe stzrategjitë e veprimit të biznesit.
Të qënurit origjinal do të thotë të zini vend në kujtesën e audiences suaj. Përse duhet t’ju mabjë mend audienca? Çfarë është ajo që ju bën ndryshe nga konkurrentët e tjerë? Pse duhet të zgjedhin biznesin tuaj? Mundohuni gjithmonë të gjeni diçka që ju veçon nga të tjerët dhe ju bën të paharrueshëm.

6. Personaliteti

Mendoni për pozicionin që dëshironi të keni në treg, kush është audienca juaj dhe çfarë i tërheq ata në mënyrë që të përcaktoni personalitetin që duhet të reflektojë marka juaj.

Për shembull: merrni kompaninë Mercedes. Personaliteti i kompanisë së makinave luksoze komunikon besim, sofistikim dhe ekskluzivitet, të cilat i tërheqin aspiratat e audiencës. Po kështu, Red Bull është bashkuar me sportet ekstreme dhe projekton një personalitet energjik, rinor dhe aventurier që tërheq aspiratat e audiencës së vetë.

7. Gjuha

Gjuha e një marke është bashkësia e termave, frazave dhe fjalëve të përdorura për të përshkruar veten dhe produktet e një kompanie apo biznesi. Është strategji marketingu që përdoret për të ndihmuar konsumatorët të identifikojnë lidhjen midis produkteve specifike dhe fjalëve të përdorura.

Kur bëhet fjalë për resonance të markës, bëjini vetes këto pyetje: Cila është audienca juaj? Cili është misoni i markës? Këto pyetje do t’ju ndihmojnë të krijoni nuancën e duhur të gjuhës së markës duke e bërë atë gjithshtu lehtësisht të njohur prej konsumatorëve. Gjuha vizuale e markës suaj duhet të jetë unike siç edhe brandi vetë dhe gjithashtu thjeshtësisht e dallueshme midi të gjithave. Teknika trefjalëshe ku gjuha e markës duhet të përqendrohet: Besueshëm, Nxitës, Joshës

Për shembull, gjuha vizuale e markës BMW është një nga më të njohurat në botën e automobilave. Pavarësisht nga statusi social, trajnimi profesional ose nëse dikush është adhurues i markës apo jo, njerëzit i njohin makinat BMW jo vetëm nga logot, por nga elementët specifikë të dizajnit që bënë histori. Marka juaj duhet të jetë autentike, ndaj jepini punonjësve tuaj pavarësinë për të qenë njerëzorë, ndërkohë që i mbështesni ata përgjatë proceseve.

8. Bërthama e Mesazhit

Çdo markë e suksesshme ka një mesazh të fort dhe thelbësor: deklaron përse marka ka rëndësi, çfarë përfaqëson dhe si dallon nga të tjerët. Është një pikë mbi të cilën mund të ktheheni sa herë që keni nevojë për frymëzim, ose kur nevojitet t’i rikujtoni vetes çfarë përfaqësoni ju dhe biznesi juaj. Mesazhi i markës është themelor dhe duhet të përfshihet në të gjitha format e komunikimit.

P.sh., “Dove ka spikatur për qasjen e saj të ndjeshme, humaniste dhe e afërt tek publiku. Toni i zërit është i butë dhe i qetë. Mesazhi tregon se produktet e tyre nuk janë vetëm për bukurinë, por edhe një burim besimi.”

9. Identiteti

Identiteti i markës përbëhet nga elementë si logo, ngjyrat, stili i imazhit, paketimi dhe tipografia (stilet shkrimore) të cilat sëbashku krijojnë një tërësi unike dhe të paharrueshme. Kjo tërësi elementësh vizual që vepron si një trup i vetëm, ndryshe quhet identiteti i markës dhe i biznesit.
Roli i identitetit të markës është të nxisë ndërlidhjen e anës vizuale me mekanizmat e kujtesës së trurit të njeriut në mënyrë që të bëhët dallimi pamor i markës.

Çfarë duhet të përmbajë identiteti i markës suaj?

• Logo kryesore
• Logo dytësore
• Përdorimet e logo-s
• Paleta e ngjyrave
• Tipografia
• Stili i imazhit
• Biblioteka grafike
• Udhëzues për stilin e identitetit të markës

10. Ekspresiviteti

Ekspresiviteti i markës është mënyra se si ju e prezantoni atë në treg. Ka të bëjë me historinë e markës. Npërmjet ekspresivitetit të markës ju kombinoni fjalët, imazhet, ID-në e komporatës, dizajnin, verpimtaritë dhe të gjitha gjërat që nëpërmjet pikave ku prek marka juaj shfaqin një histori origjinale se kush jeni në të vertetë

Ekspresiviteti i markës është manifestimi më i dukshëm i esencës së markës; njoftimet që vendosen para prezantimit të markës në lidhje me premtimet e dhëna.

Për të ndërtuar një markë të suksesshme, çdo shtyllë e mësipërme duhet të jetë pasuese e shtyllës së mëparshme. Në këtë mënyrë krijohet qëndrueshmëri dhe vazhdimësi solide. Nëse marka juaj përmban substancë brenda vetes, kuptim, vlerë, personalitet dhe përdorim vizual, atëherë biznesi juaj ka një pikënisje të fortë dhe një mjet për të lëvizur brenda një të ardhme të ndritur.
Hidhini një sy seksionit tonë Zhvillim dhe Ngritja e Markës.

Dedicated to Growth

Rr. "Kozma Naska", Nr: 33/6,
Elbasan 3001, Albania

coaching@etg.al
+355 54 710 020

Ndrysho gjuhën

Përkushtuar drejt Rritjes

Rr. "Kozma Naska", Nr: 33/6,
Elbasan 3001, Albania

coaching@etg.al
+355 54 710 020

Switch language